ഉറക്കം

വെളിച്ചമില്ലായ്മയുടെ തീരങ്ങളിൽ,
സ്വപ്നങ്ങൾക്കു വേണ്ടി ഞാൻ ചൂണ്ടയിടുകയായിരുന്നു...
കണ്ടു ഞാനവിടെ....
കബന്ധങ്ങൾ നിറഞ്ഞ രണഭൂമികൾ.....
മരുപ്പച്ച തേടിത്തോറ്റ പകലിരവുകൾ...
അതിനിടെയിൽ ഉറക്കത്തിനായ് ഞാൻ കരഞ്ഞു.....
ഉറങ്ങുവാനാവുന്നില്ല തെല്ലും...
ഉണർവ്വിന്റെ ഓരോ നൽനിമിഷങ്ങളിലും,
ഉറക്കത്തിനായ് ഞാൻ കൊതിച്ചു...
തിന്മയുടെ ഭ്രാന്തുകൾക്കിടെയിലും....,
നന്മയുടെ തീവ്രനിദ്രയ്ക്കായ് ഞാൻ പ്രാത്ഥിച്ചൂ..
ഇല്ല..
ഇനിയൊരിക്കലുമില്ല തെല്ലും....
സുന്ദരമായ സുഷുപ്തി തൻ നാളുകൾ...
വൈകിയെത്തിയ മനസ്താപത്തിനു പോലും
ഇല്ല നൽകുവാനാവില്ല നന്മതൻ സൽനിദ്ര.......